isi bana pe agar ki to dosti karungi
faqat tumhari nahin, apni baat bhi karungi
is ehtiyat ke khunTe se bandh mat mujh ko
ki jitni bas men mire hai main zindagi karungi
zamin pe puure tasalsul se ishq chahiye hai
ye kaam pahla kiya hai ye aḳhiri karungi
vo tark-e-pas-e-vafa hi tha dushmani nahin thi
huzur pas-e-ta.alluq to aaj bhi karungi
ye ḳhud-aziyyati mahmez hai tabi.at ko
so zaḳhm zaḳhm kuredungi sha.iri karungi
Leave a Reply