Gopal Mittal
ishq men kab ye zaruri hai ki roya jaa.e
ye nahin dagh-e-nadamat jise dhoya jaa.e
dopahar hijr ki tapti hui sar par hai khaḌi
vasl ki raat ko shikvon men na khoya jaa.e
uljhe ab panja-e-vahshat na garebanon se
aaj use sina-a-a.ada men gaḌoya jaa.e
ek hi ghunT sahi aaj to pi le zahid
kuchh na kuchh zohd ki ḳhushki ko samoya jaa.e
jitne bhi daagh ra.unat ke hain dhul ja.enge
hauz-e-mai men tujhe shaiḳh aaj Duboya jaa.e
Leave a Reply