Arshad Abdul Hamid
ishq marhun-e-hikayat-o-guman bhi hoga
vaqi.a hai to kisi taur bayan bhi hoga
dil atiyya kahin karta to pareshan hoga
ḳhair o ḳhubi se hi hoga vo jahan bhi hoga
ek din dekhna ruk ja.enge dariya saare
ek din dekhna ye dasht ravan bhi hoga
aap duniya ko mohabbat ki dava bechte hain
aap ke paas ilaj-e-gham-e-jan bhi hoga
ek din aa hi milenge mire bichhḌe hue log
ḳhatm ik roz to ye kar-e-jahan bhi hoga
dil bhi vaisa hi hai kaifiyyat-e-jan hai jaisi
haal badla to yahi raqs-kunan bhi hoga
shiddat-e-hijr hai mahsus to hogi ‘arshad’
bojh siine pe agar hai to giran bhi hoga
Leave a Reply