Raziq Ansari
ishq karna tha ishq kar baiThe
ham ne aafat bula.i ghar baiThe
sab na.i raushni ke chakkar men
tirgi ko qubul kar baiThe
jo ghalat hai usi ko uThna hai
ham hain apne maqam par baiThe
chaliye ḳhud se hi baat ki jaa.e
kaun fursat men raat bhar baiThe
ik zara hans ke baat kya kar li
aap line cross kar baiThe
jab nahin bechna the ashk tumhen
kyon yahan le ke chashm-e-tar baiThe
Leave a Reply