ishq ka rog kyon laga hai mujhe
soch men huun ki kya hua hai mujhe
phir koi kaam aa paḌa hai use
muddaton ba.ad vo mila hai mujhe
janta hi nahin tha jaise kabhi
raah se yuun uTha diya hai mujhe
bol kar jhuuT be-shumar vo kyon
ik tamasha bana raha hai mujhe
kya mira jagne laga hai nasib
kya madine bula liya hai mujhe
rishte ki Dor men vo bandh gaya
ek unvan mil gaya hai mujhe
us ke ‘shamsa’ hain pur-asar dushnam
tiir siine men ja laga hai mujhe
Leave a Reply