Raziq Ansari
ishq ka pahla baab chal raha hai
qais zer-e-ḳhitab chal raha hai
paḌh ke dukh-dard ki kitab bata
kis ka kitna hisab chal raha hai
ansuon ki jhaḌi na lag jaa.e
aaj mausam ḳharab chal raha hai
tiir koi ḳhata nahin hoga
tu abhi kamyab chal raha hai
be-sabab to hansi nahin aati
dil men kuchh to janab chal raha hai
ana-jana laga hai nindon ka
TukḌe TukḌe men ḳhvab chal raha hai
mujh se tum aise guftugu karte
mera Time ḳharab chal raha hai
Leave a Reply