ishq chhupta nahin chhupane se
fa.eda kya nazar bachane se
jab qafas men charagh jalte hain
lau nikalti hai ashiyane se
tark-e-ummid ik bahana tha
kar chuke ye bhi sau bahane se
hoshiyar ai nigah-e-vaqt-navaz
ruḳh badalte hue zamane se
hasil-e-zikr ho tumhi lekin
ibtida hai mire fasane se
jagna tha hamen ba-kar-e-hayat
so.e hain maut ke bahane se
zikr-e-mahbub farz tha ‘anjum’
kah liye sher is bahane se
Leave a Reply