Kunwar Bechain
is vaqt apne tevar puure shabab par hain
saare jahan se kah do ham inqalab par hain
ham ko hamari ninden ab chhu nahin sakengi
jis tak na niind pahunche us ek ḳhvab par hain
un qatilon ke chehre ab to ughariyega
taaza lahu ke dhabbe jin ke naqab par hain
apni laḌa.i hai to keval usi mahal se
apne lahu ki bunden jis ke gulab par hain
kaise miTa sakega ham ko ‘kunvar’ zamana
ham dastaḳhat samay ke dil ki kitab par hain
Leave a Reply