is tarah ham ko ja-ba-ja kiije
apni yadon men mubtala kiije
sab hi matlab ke yaar hain janan
koi apna nahin hai kya kiije
ishq valon ki shart aisi hai
apni surat ko chand sa kiije
phone par baat ḳhuub kar li hai
ab to milne ka hausla kiije
koi to hal zarur niklega
talḳh mauzua pe mashvara kiije
zindagi kahte ik tamasha hai
apna kirdar bas ada kiije
ham ne bas ik umiid bandhi hai
kam se kam aap kuchh naya kiije
mil ke hijr-o-visal sahna hai
ham-safar apna ham-nava kiije
apna mafhum aap ko dunga
aap bas sher kah diya kiije
Leave a Reply