Taimur Hasan
ham duniya se jab tang aaya karte hain
apne saath ik shaam manaya karte hain
suraj ke us janib basne vaale log
aksar ham ko paas bulaya karte hain
yunhi ḳhud se ruTha karte hain pahle
der talak phir ḳhud ko manaya karte hain
chup rahte hain us ke samne ja kar ham
yuun us ko chakh yaad dilaya karte hain
nindon ke viran jazire par har shab
ḳhvabon ka ik shahr basaya karte hain
in ḳhvabon ki qimat ham se puchh ki ham
in ke sahare umr bitaya karte hain
ab to koi bhi duur nahin to phir ‘taimur’
ham ḳhat kis ke naam likhaya karte hain
Leave a Reply