Hum Duniya Se Jab Tang Aaya Karte Hain

ham duniyā se jab tañg aayā karte haiñ

apne saath ik shaam manāyā karte haiñ

sūraj ke us jānib basne vaale log

aksar ham ko paas bulāyā karte haiñ

yūñhī ḳhud se rūThā karte haiñ pahle

der talak phir ḳhud ko manāyā karte haiñ

chup rahte haiñ us ke sāmne jā kar ham

yuuñ us ko chakh yaad dilāyā karte haiñ

nīndoñ ke vīrān jazīre par har shab

ḳhvāboñ kā ik shahr basāyā karte haiñ

in ḳhvāboñ kī qīmat ham se pūchh ki ham

in ke sahāre umr bitāyā karte haiñ

ab to koī bhī duur nahīñ to phir ‘taimūr’

ham ḳhat kis ke naam likhāyā karte haiñ

Leave a Comment