is qadar gharq lahu men ye dil-e-zar na tha
jab hina se tire paanv ko sarokar na tha
husn ka jazb zulekha sati kuchh chal na saka
varna ye paak guhar qabil-e-bazar na tha
dil men zahid ke jo jannat ki hava ki hai havas
kucha-e-yar men kya saya-e-divar na tha
dil mira ishq ke dhadkon se mua jaata hai
ye vo dil hai ki koi aisa jigar-dar na tha
aap se kyuun na hua kah ke ‘yaqin’ ko maara
raast puchho to koi mujh sa gunahgar na tha
Leave a Reply