Iqbaal Yunhi Kab Tak Hum Qaid-E-Ana kaTen

Iqbal Kausar

‘iqbal’ yunhi kab tak ham qaid-e-ana kaTen

mil baiTh ke logon men aa apne ḳhala kaTen

jo karna hai ab kar len ham tum se na kahte the

ab sang-sitam chahen hone ki saza kaTen

ab banjh zaminon se ummid bhi kya rakhna

ro.en bhi to la-hasil bo.en bhi to kya kaTen

par le ke kidhar jaa.en kuchh duur tak uḌ aa.en

dam jitna mayassar hai ye Thahri hava kaTen

is marhala-e-shab men ab ek hi surat hai

ya dasht-e-talab paTen ya gardish-e-pa kaTen