iqan ke hamrah kuchh auham paḌe the
ham un ki gali men jo sar-e-sham paḌe the
main maan nahin paaya magar dekh raha tha
us shaḳhs ki chaukhaT pe dar-o-bam paḌe the
main ek sadi ba.ad ka gham dekh raha tha
aur saath hi din raat ke alam paḌe the
lakhon men chuna ham ne usi ek ko varna
piine ko to mahfil men kai jaam paḌe the
sarkar se pahle tha ajab naqsha jahan ka
masjid thi kahin devi kahin raam paḌe the
‘ajiz’ ko baḌa maan hai un sheron pe janan
jo tere tavassut se zad-e-am paḌe the
Leave a Reply