Poet
intiha zo.af ki hai saaf numayan mujh se
ramaq-e-jan men mira jism hai pinhan mujh se
shor hai vo na vahan aur na yahan vo sunsan
shahr viran hai abad bayaban mujh se
bas-ki mushkil ko samajh rakkha hai main ne asan
mushkilen karte hain hal apne ḳhud asan mujh se
daman-e-dasht hai aur phir mira pa-e-vahshat
phir hua josh-e-junun dast-o-gareban mujh se
shab-e-tanha.i men ‘besabr’ ba-qaul-e-‘ghalib’
saaya ḳhurshed qayamat men hai pinhan mujh se
Leave a Reply