intiha sabr-azmai ki
hai darazi shab-e-judai ki
hai burai nasib ki ki mujhe
tum se ummid hai bhalai ki
naqsh hai sang-e-astan pe tire
dastan apni jubba-sai ki
tum se kuchh mil ke khush hua huun ki huun
dahr men hasrat ashnai ki
hai fughan baad-e-imtihan-e-fughan
phir shikayat hai na-rasai ki
kya na karta visal-e-shadi-e-marg
tum ne kyuun mujh se kaj-adai ki
raaz khulte gae mire sab par
jis qadar us ne khud-numai ki
kitne aajiz hain ham ki paate hain
bande bande men lau khudai ki
rah gaiin dil men hasraten ‘salik’
aa gai umr parsai ki
Leave a Reply