Mohabbat Ho Gai Jis Ko Use Ab Dekhna Kya Hai

mohabbat ho ga.ī jis ko use ab dekhnā kyā hai

bhalā kyā hai burā kyā hai sazā kyā hai jazā kyā hai

zarā tum sāmne aao nazar ham se to Takrāv

kise phir hosh ho tum ne kahā kyā hai sunā kyā hai

mohabbat jurm aisā hai ki mujrim hai khaḌā be-sudh

kiyā kyā hai gunah kyā hai sazā kyā hai ḳhatā kyā hai

na aanā ishq ke bāzār meñ andhī tijārat hai

diyā kyā hai liyā kyā hai bikā kyā hai bachā kyā hai

zamāna jhuum uTThā hai sadā-e-dād aatī hai

na jaane aaj ‘māham’ ne ġhazal meñ kah diyā kyā hai

Leave a Comment