Shadab Anjum
insan ke dilon men jab aa.en mohabbaten
phir duur nafraton ko bhaga.en mohabbaten
nafrat ke peḌ denge hamen nafraton ke phal
chahat ke biij bo.en uga.en mohabbaten
karti nahin hain farq vo aulad men kabhi
deti hain sab ko ek si maa.en mohabbaten
deta hai us ko naam havas ka sada jahan
oḌhen na sharm ki jo qaba.en mohabbaten
shayad ye saare dusri duniya ke lafz hain
tazim ehtiram vafa.en mohabbaten
nindon ke saath saath hasin ḳhvab chhin len
deti hain ashiqon ko saza.en mohabbaten
‘anjum’ jo na-balad hain ḳhulus aur vafaon se
aao ki un ko chal ke sikha.en mohabbaten
Leave a Reply