insan ba-yak nigah bura bhi bhala bhi hai
ya.ani vo musht-e-ḳhak to hai kimiya bhi hai
ai gham-nasib kis se hai mumkin tira ilaaj
ai bad-nasib tere maraz ki dava bhi hai
kyuun kar kahen ki jis ko ḳhuda.i na thi qubul
vo be-niyaz aap ke dar ka gada bhi hai
tere vajud se bhala inkar ho kise
ai tu ki zarre zarre men jalva-numa bhi hai
banda-navaziyon pe na itra.iye bahut
banda-navaz aap se baḌh kar ḳhuda bhi hai
sho.ala se duur rahiye ki sha.ir sahi magar
ziddi hai bevaquf hai dil ka bura bhi hai
Leave a Reply