Inko Dukh Ki Humse Wo Kahte Ye Kaise Hum Ghalat The

Ankit Maurya

in ko dukh ki ham se vo kahte ye kaise ham ghalat the

is liye pahle hi ham ne kah diya ki ham ghalat the

vo ḳhafa hain jaane kab se kya pata kis baat pe hon

farz banta hai hamara kah den un se ham ghalat the

tum ishara kar to dete ki nahin jaana hai tum ko

rok lete ham tumhen kah dete sab se ham ghalat the

ham kisi bhi taur us ko saath rakhna chahte the

ham ne muafi maang li aise ki jaise ham ghalat the

ham laḌenge ḳhuub donon pahle to ik duuje se phir

rote rote ye kahenge ham ghalat the ham ghalat the