In donon Ghar Ka Khana-Khuda Kaun Ghair Hai

Poet

in donon ghar ka khana-khuda kaun ghair hai

shaikh-e-haram abas the inkar-e-dair hai

ai yar-e-be-khabar tu miri le na le khabar

vird-e-zaban tira hi mujhe zikr-e-khair hai

ghibat men kya taalluq use yaad se miri

kuchh kaam us ka atka bhala mujh baghair hai

parva hai kab use mire rafa-e-malal se

gah shaghil-e-shikar kabhi gasht-e-sair hai

be-vajh kya hain ham se ye be-ruiyan tiri

kya ham men aur tujh men kisi ru se bair hai

insan rakkhe ishq ki nisbat se imtiyaz

yuun qaid-e-khvab-o-khur men to har vahsh va tair hai

apni gali men dekh ke ‘hasrat’ ko bola yaar

chal ja pare ho duur agar teri khair hai