ahmad-faraz

Id-Card

tujh se bichhad kar bhi zinda tha

mar mar kar ye zahr piya hai

chup rahna asan nahin tha

barson dil ka khuun kiya hai

jo kuchh guzri jaisi guzri

tujh ko kab ilzam diya hai

apne haal pe khud roya huun

khud hi apna chaak siya hai

kitni jankahi se main ne

tujh ko dil se mahv kiya hai

sannate ki jhiil men tu ne

phir kyuun patthar phenk diya hai

More Poems

Leave a Comment