Husn Ki Dil Mein Mere Jalwagari Rahti Hai

husn ki dil men mire jalvagari rahti hai

band is shisha-e-nazuk men pari rahti hai

dil vahan khulta hai jis ja ki rahe jam-e-sharab

daana vaan ugta hai jis ja ki tari rahti hai

tifli-o-ahd-e-javani ka na puchho ahval

be-ḳhudi aage thi ab be-ḳhabari rahti hai

bagh-e-alam men nahin dast-e-karam ko hai zaval

shaḳh ye vo hai jo ta-hashr hari rahti hai

yaad men jam-o-surahi ke tire ai saaqi

dil bhara rahta hai ankhon men tari rahti hai

mai-o-mashuq se daulat se bahar-e-gul men

chakkhiyan rahti hai hain yaron ki chari rahti hai

har ghadi rahta hai ḳhayal-e-ruḳh-e-mahbub ka dhyan

aj-kal samne kotah-nazari rahti hai

bhiid si bhiid lagi rahti hai kuche men tire

jins ulfat ki magar vahan pe khari rahti hai

naqd-e-dil lete ho har ek ka be-bos-o-kanar

aap ke dhyan men kya muft-bari rahti hai

haath pakda hai mira dast-e-junun ne jab se

har ghadi madd-e-nazar jama-dari rahti hai

baal khole nahin phirta hai agar vo saffak

phir kaho kyuun mujhe ashufta-sari rahti hai

rind vaan baste hain jis ja ho ḳhum-o-ḳhum-ḳhana

sher vaan rahte hain jis ja ki tari rahti hai

Leave a Comment