Poet
husn jo lab kusha hua ghunche chaTak chaTak ga.e
ham to harim-e-naz men aaj bahak bahak ga.e
garmi-e-chashm-e-mast se shishe darak darak ga.e
jaam chhalak chhalak ga.e rind bahak bahak ga.e
husn ki bargah men kah na sake hadis-e-gham
aankh uThi na lab hile ham hi jhijak jhijak ga.e
us se bichhaḌ ke umr bhar phirte rahe hain dar-ba-dar
manzilen sar huiin magar raah bhaTak bhaTak ga.e
aa.i jo muddaton ke ba.ad us but-e-hila-ju ki yaad
zabt ke bavajud ‘raz’ ashk Tapak Tapak ga.e
Leave a Reply