husn jab qatil na tha aur ishq divana na tha
zindagi men dard-o-gham ka koi afsana na tha
sab se vo kahta phira main hi tha us ka ashna
samne aaya to us ne mujh ko pahchana na tha
rat-bhar kuchh ahaTen dil ki taraf aati rahin
ham the jis ke muntazir us ko magar aana na tha
ek sahmi si tamanna ek mub.ham sa ḳhayal
is se baḌh kar mere dil men koi nazrana na tha
dekhiye kis samt ab ke le chale avargi
dasht aisa kaun sa tha ham ne jo chhana na tha
sho.ala-e-gham jal uTha to bujh ga.e saare charagh
atish-e-dil gul hui to koi parvana na tha
Leave a Reply