Sufi
husn hi ke dam se hain ye kahaniyan saari
ishq hi sikhata hai ḳhush-bayaniyan saari
ḳhvab aur ḳhushbu ko chahaton ke jaadu ko
qaid kar ke dikhlaen pasbaniyan saari
dil ki dhaḌkanon par hai inhisar-e-afsana
ek si nahin hotin naujavaniyan saari
ik tabassum-e-pinhan ik nigah-e-duzdida
aur phir kahani thiin sar-giraniyan saari
yaad ban ke pahlu men mausamon ke bistar par
karvaTen badalti hain mehrbaniyan saari
kya ginaen ab tum ko haan saja ke rakkhi hain
ham ne goshe goshe men vo nishaniyan saari
Leave a Reply