Poet
husn-e-butan ka ishq meri jaan ho gaya
ye kufr ab to hasil-e-iman ho gaya
ai zabt-e-dil ye kaisi qayamat guzar ga.i
divangi men chaak gareban ho gaya
vo ban sanvar ke phir miri mahfil men aa ga.e
baiThe-biTha.e hashr ka saman ho gaya
kar ke singhar aa.e vo aisi ada ke saath
a.ina un ko dekh kar hairan ho gaya
dekha jo us sanam ko to mahsus ye hua
jalva ḳhuda ka surat-e-insan ho gaya
sab mera ishq dekh ke lete hain tera naam
main bhi tire jamal ki pahchan ho gaya
puuja karenge us ki ‘fana’ ham tamam umr
vo but hamare vaste bhagvan ho gaya
Leave a Reply