Aaine Mein Ghurne Wala Hai Kaun

ā.īne meñ ghūrne vaalā hai kaun

aur us ke sāmne vaalā hai kaun

har qadam kartā hai jo merī nafī

mere andar bolne vaalā hai kaun

maiñ agar huuñ āsmāñ-dar-āsmāñ

ye zamīñ par reñgne vaalā hai kaun

kis ke pīchhe dauḌtā rahtā huuñ maiñ

aage aage bhāgne vaalā hai kaun

maiñ huuñ ātish-dān se chipkā huā

barf-o-bārāñ nāchne vaalā hai kaun

ain mere dhyān par kartā hai vaar

mujh ko mujh se chhīnñe vaalā hai kaun

kaun hai ‘betāb’ āḳhir gum-shuda

aur us ko DhūñDne vaalā hai kaun

Leave a Comment