ham ne nazdik bhulane ka bhi fan rakkha tha
hijr men dil ko bhi kuchh mast-magan rakkha tha
ye bhi sach hai ki tujhe dil se gharaz thi hi nahin
varna to jism men paivast hi man rakkha tha
kab baghavat pe utar aa.e yahan kaun sa phuul
bas yahi soch ke qaabu men chaman rakkha tha
janta kaise tujhe jhankta andar kaise
tujh ko ta.aviz ke jaise to pahan rakkha tha
jab nakirain ne chaha ki mujhe le jaa.en
ruuh gha.eb thi kahin aur badan rakkha tha
jis ko ab pyaar se jiine ka sabab kahte hain
ham ne us yaad ka ik naam ghuTan rakkha tha
ham ka.i qism ke lahjon ke bahut qaa.il hain
haan magar apna jo andaz-e-suḳhan rakkha hai
Leave a Reply