Poet
ham ne dekhe zindagi men chand aise sar-phire
dushmanon men jo payam-e-dosti le kar phire
vaa.e ye taht-e-shu.ur apna bala sa ban gaya
apni ankhon men baḌe nadidani manzar phire
jab bhi vo aa.e khuli aish-o-tarab ki chandni
din mire zulmat-kade ke is tarah aksar phire
kya koi shahr-e-tamanna phir ujaḌ kar bas gaya
jabiran-e-vaqt kyon ḳhanjar liye ghar ghar phire
shab ko aksar ham-safar thi ThanDi ThanDi chandni
din ko ham jalta hua suraj liye sar par phire
niind kya aati shab-e-hijran ke is mahaul men
ham kabhi baiThe kabhi uThe kabhi uTh kar phire
dam ghanimat hai ‘jamali’ aap ka is daur men
ab zamane men kahan hain aap jaise sar-phire
Leave a Reply