Jaleel Hashmi
ham zamane men mohabbat ke bhikari Thahre
dost hain sab ke magar dushman-e-jan hain apne
aaj ki raat kahin sho.ala-e-gul hi bhaḌke
jaane kal sub.h kahan honge ham uḌte patte
jan-e-man ab ke ye adab hain tere kaise
bankpan meri ghazal ka tiri mahfil men luTe
vo saba hai to rahe kis liye gulshan se pare
ye shab-e-gul hai to kyuun sej pe kanTon ke kaTe
kyuun phire dasht men divane hue kis ke liye
ham ko ma.alum nahin puchhiye un ankhon se
mar chukin kab ki tamanna.en sisak kar lekin
dil ki divar se raton ko koi sar paTke
kahin manzil se bhaTak jaa.e na divana-e-gul
jada-e-shahr-e-baharan men bichha do kanTe
Daal dil khol ke in TuuTe hue shishon men
sang aa.e hain bahut raah men ham par pyare
ye tiri yaad ka aalam shab-e-tanha.i men
jaise lahra ke kiran kaali ghaTa se chhuTe
in bhari rahon men sab mire hain main kis ka huun
duun sada kis ko lage kaun kaleje se mire
kaun utrega mire dil ke gulistanon men
kaun guzrega mire chehre ke sahraon se
raakh is ghar men vo uḌti hai ki jaise ‘hashami’
taaq men sham.a na thi sahn men mahtab na the
Leave a Reply