Erum Zehra
ham us ke samne husn-o-jamal kya rakhte
jo be-misal hai us ki misal kya rakhte
jo bevafai ko apna hunar samajhta hai
ham us ke aage vafa ka saval kya rakhte
hamara dil kisi jagir se nahin arzan
ham us ke samne mal-o-manal kya rakhte
use to rishte nibhane ki aarzu hi nahin
phir us ki ek nishani sambhal kya rakhte
jo dil pe chot lagane men khuub mahir hai
ham us ke samne apna kamal kya rakhte
hamare zarf ka logon ne imtihan liya
zara si baat ka dil men malal kya rakhte
jo apne dil se ‘iram’ ko nikal baitha hai
ham us ke samne hijr-o-visal kya rakhte
Leave a Reply