Hum Unki Anjuman Ka Saman Ban Ke Rah Gae

ham un ki anjuman ka saman ban ke rah gae

sar-ta-qadam nigah o zaban ban ke rah gae

palte muqaddarat kuchh is taur se ki ham

tasvir-e-inqilab-e-jahan ban ke rah gae

mazlum dil ki talkh-navai to dekhna

naghme jo lab tak aae fughan ban ke rah gae

ab ham hain aur haqiqat-e-alam hai ‘shakil’

lamhe khushi ke khvab-e-giran ban ke rah gae

Leave a Comment