to sharafaton ka maqam hai to sadaqaton ka davam hai
jahan farq-e-shah-o-gada nahin tire diin ka vo nizam hai
jinhen tire naam ki chaah hai ye zamin un ki gavah hai
vahin karbala ka vo dasht hai vahin qasr-e-kufa-o-sham hai
kahin kankaron ko zaban de kahin sach ko harf-e-bayan de
dar-e-had had-e-in.am hai sar-e-qad qad-e-ilham hai
tira ruup ruuh ke ru-ba-ru tiri priit paran men mu-ba-mu
tu kamal-e-husn-e-kalam hai tu misal mah-e-tamam hai
tu ne ḳhauf-e-marg miTa diya tu ne haq ko jiina sikha diya
tu hasan husain ka peshva tu ali-e-vali ka imaam hai
tira buad buad-e-hayat hai tera qurb qurb-e-najat hai
tu ruton ka rang-e-ravan-davan to sumon ka sang-e-mudam hai
tale tegh ke vo ibadaten tiri shaan ki vo shahadaten
vo hikayaten vo rivayaten tire saare ghar pe salam hai
to shu.ur-e-zist ka tarjuman kabhi juzv-e-jan kabhi la-makan
yahan arsh-e-farq pe javedan tira nuur hai tira naam hai
sabhi harf tere harim hain sabhi aks tere aziim hain
sabhi saj-suḳhan tire vaste sabhi baat tujh pe tamam hai
Leave a Reply