ham tira ahd-e-mohabbat Thahre
lauh-e-nisyan ki jasarat Thahre
dil lahu kar ke ye qismat Thahre
sang fankar ki ujrat Thahre
maqtal-e-jan ki zarurat Thahre
ham ki shayan-e-mohabbat Thahre
kya qayamat hai vo qatil mujh men
mere ehsas ki surat Thahre
vaqt ke dajla-e-tufani men
aap ham mauja-e-ujlat Thahre
dosti ye hai ki ḳhushbu ke liye
rang zindani-e-surat Thahre
tu hai ḳhurshid na main huun shabnam
kya mulaqat ki surat Thahre
uf ye guzre hue lamhon ka hujum
dar-o-divar qayamat Thahre
kucha-gardan-e-junun misl-e-saba
zulf-e-avara ki qismat Thahre
ishq men manzil aram bhi thi
ham sar-e-kucha-e-vahshat Thahre
jab se ‘ummid’ gaya hai koi!!
lamhe sadiyon ki alamat Thahre
Leave a Reply