Nafas Ambalvi
ham pe vo mehrban kuchh kam hai
is liye ḳhush-bayan kuchh kam hai
miT gaya huun par us ki nazron men
ab bhi ye imtihan kuchh kam hai
shahr men yuun zamin to kaafi hai
nilgun asman kuchh kam hai
gham ke saman kuchh ziyada hain
is mutabiq makan kuchh kam hai
sar chhupa.un to paanv jalte hain
mujh pe ye sa.eban kuchh kam hai
zindagi aur de azaab mujhe
mujh pe aa.ed lagan kuchh kam hai
fasl-e-barud hai pahaḌon par
is baras za.afran kuchh kam hai
Leave a Reply