Aal E Ahmad Suroor
ham na is toli men the yaaro na us toli men the
ne kisi ki jeb men the na kisi jholi men the
banda-parvar sirf nazzare pe qadghan kis liye
phuul phal jo baagh ke the aap ki jholi men the
aap ke naron men lalkaron men kaise aenge
zamzame jo an-kahi ik pyaar ki boli men the
phir kisi kuufe men tanha hai koi ibn-e-aqil
us ke sathi sab ke sab sarkar ki toli men the
ab dhanak ke rang bhi un ko bhale lagte nahin
mast saare shahr vaale khuun ki holi men the
Leave a Reply