ham na hote bhi to itna hote
kahin dariya kahin sahra hote
jaane kya ḳhud ko samajh rakkha hai
ye jo hasrat hai ki rusva hote
ham simaT jaate jo banhon men tiri
teri angḌa.i ka dariya hote
tum se ulfat jo na hoti ham ko
jaane kis kis ki tamanna hote
siikh li ham ne bhi duniya-dari
kaash ham sahab-e-duniya hote
dekh lete jo kahin a.ina
ham bhi hairat ka sarapa hote
Leave a Reply