Waheed Akhtar
ham ko manzur tumhara jo na parda hota
saara ilzam sar apne hi na aaya hota
dost-ahbab bhi be-gane nazar aate hain
kaash ik shaḳhs ko itna bhi na chaha hota
muft manga tha kisi ne so use baḳhsh diya
aisa sasta bhi na tha dil jise becha hota
jaan kar ham ne kiya ḳhud ko ḳharab-o-rusva
varna ham vo the farishton ne bhi puuja hota
ahl-e-duniya ko bahut ham se bhi ummiden thiin
zindagi tujh se magar apna na jhagḌa hota
naseho ham ko bhi anjam-e-junun hai malum
us ko samjhao jo ye sab na samajhta hota
vo ḳhirad-mand vo ba-hosh ‘vahid’ aaj kahan
milne valon se kabhi tum ne ye puchha hota
Leave a Reply