ham kab az-khud tire ghar yaar chale aate hain
rah nahin sakte to na-char chale aate hain
le khabar us ki shitabi se ki ashiq ko tire
ghash pe ghash shokh sitamgar chale aate hain
main to hairan huun matab hai ki dar-e-yar hai ye
yaan to bimar pe bimar chale aate hain
ghar men ghabrate hain be-yar to ham vahshi se
sar-barahna sar-e-bazar chale aate hain
khade rah sakte nahin dar pe to hairan se vaan
baith kar ham pas-e-divar chale aate hain
kis ke nalon ki ye andhi hai ki shakl-e-par-e-kah
aaj udte hue kohsar chale aate hain
Leave a Reply