ham jahil nakara log
ham par karen ijara log
ham hain raakh umidon ki
vo hain chand sitara log
kis ki baat sune koi
bol rahe hain barah log
Duub rahe the sab ke sab
bhule aas kinara log
dil se mil kar rahte hain
ek hi ghar men barah log
bha.i-chara ḳhatm hua
ho ga.e paara paara log
lahja kis ne talḳh kiya
chiḳha aur pukara log
ham tum hon is duniya men
ham ko nahin gavara log
salon baad hue yakja
aa ga.e beach dobara log
Leave a Reply