Hum Intizar Karenge Tera Qayamat Tak

ham intizar karenge tira qayamat tak

khuda kare ki qayamat ho aur tu aae

ye intizar bhi ik imtihan hota hai

isi se ishq ka shoala javan hota hai

ye intizar salamat ho aur tu aae

bichhae shauq ke sajde vafa ki rahon men

khade hain diid ki hasrat liye nigahon men

qubul dil ki ibadat ho aur tu aae

vo khush-nasib hai jis ko tu intikhab kare

khuda hamari mohabbat ko kamyab kare

javan sitara-e-qismat ho aur tu aae

khuda kare ki qayamat ho aur tu aae

Leave a Comment