ham ghazal men tira charcha nahin hone dete
teri yadon ko bhi rusva nahin hone dete
kuchh to ham ḳhud bhi nahin chahte shohrat apni
aur kuchh log bhi aisa nahin hone dete
azmaten apne charaghon ki bachane ke liye
ham kisi ghar men ujala nahin hone dete
aaj bhi gaanv men kuchh kachche makanon vaale
ghar men ham-sa.e ke faaqa nahin hone dete
zikr karte hain tira naam nahin lete hain
ham samundar ko jazira nahin hone dete
mujh ko thakne nahin deta ye zarurat ka pahaḌ
mere bachche mujhe buḌha nahin hone dete
Leave a Reply