Hum Ghalat Ehtimal Rakhte The

Meer Asar

ham ghalat ehtimal rakhte the

tujh se kya kya ḳhayal rakhte the

na suna tu ne kya kahen zalim

varna ham arz-e-hal rakhte the

na raha intizar bhi ai yaas

ham umid-e-visal rakhte the

jauhar-e-a.ina niin dikhlaya

sada-ru jo kamal rakhte the

na suna tha kisu ne ye to ghurur

sabhi dilbar jamal rakhte the

aah vo din ga.e ki ham bhi ‘asar’

dil ko apne sambhal rakhte the