ham ek shahr men jab saans le rahe honge
hamare beach zamanon ke fasle honge
vo chahta to ye halat Thiik ho jaate
bichhaḌne vaale sabhi aisa sochte honge
ye bebasi se tiri raah dekhne vaale
ga.e dinon men tire ḳhvab dekhte honge
kaha bhi tha ki ziyada qarib mat aao
bataya tha ki tumhen mujh se mas.ale honge
vahi sifat-o-ḳhasa.il hain aur vahi lahje
ye log pahle kabhi bheḌiye rahe honge
Leave a Reply