ham aise soe bhi kab the hamen jaga laate
kuchh ek khvab to shab-khun se bacha laate
ziyan to donon tarah se hai apni mitti ka
ham aab laate ki apne liye hava laate
pata jo hota ki niklega chand jaisa kuchh
ham apne saath sitaron ko bhi utha laate
hamen yaqin nahin tha khud apni rangat par
ham is zamin ki hatheli pe rang kya laate
bas aur kuchh bhi nahin chahta tha main tum se
zara si chiiz thi duniya kahin chhupa laate
hamare azm ki shiddat agar samajhni thi
to is safar men koi sakht marhala laate
Leave a Reply