hujum-e-dard mila zindagi azaab hui
dil o nigah ki sazish thi kamyab hui
tumhari hijr-navazi pe harf aaega
hamari munis o hamdam agar sharab hui
yahan to zakhm ke pahre bithae the ham ne
shamim-e-zulf yahan kaise baryab hui
hamare naam pe gar ungliyan uthin to kya
tumhari madh-o-sataish to be-hisab hui
hazar pursish-e-gham ki magar na ashk bahe
saba ne zabt ye dekha to la-javab hui
Leave a Reply