wali-mohammad-wali

Hua Zahir Khat-E-Ru-E-Nigar Aahista-Ahista

hua zahir khat-e-ru-e-nigar ahista-ahista

ki jyuun gulshan men aati hai bahar ahista-ahista

kiya huun rafta rafta raam us ki chashm-e-vehsi kuun

ki jyuun aahu kuun karte hain shikar ahista-ahista

jo apne tan kuun misl-e-juebar avval kiya paani

hua us sarv-qad suun ham-kanar ahista-ahista

barang-e-qatra-e-simab mere dil ki jumbish suun

hua hai dil sanam ka be-qarar ahista-ahista

use kahna baja hai ishq ke gulzar ka bulbul

jo gul-ruyan men paaya e’tibar ahista-ahista

mira dil ashk ho pahuncha hai kuche men sirijan ke

gaya kaabe men ye kashti-savar ahista-ahista

‘vali’ mat hasidan ki baat suun dil kuun mukaddar kar

ki akhir dil suun javega ghubar ahista-ahista

More Poems

Leave a Comment