Allama Iqbal
hua na zor se us ke koi gareban chaak
agarche maghribiyon ka junun bhi tha chalak
mai-e-yaqin se zamir-e-hayat hai pur-soz
nasib-e-madrasa ya rab ye ab-e-atish-nak
uruj-e-adam-e-khaki ke muntazir hain tamam
ye kahkashan ye sitare ye nil-gun aflak
yahi zamana-e-hazir ki kaenat hai kya
dimagh raushan o dil tiira o nigah bebak
tu be-basar ho to ye mana-e-nigah bhi hai
vagarna aag hai momin jahan khas o khashak
zamana aql ko samjha hua hai mishal-e-rah
kise khabar ki junun bhi hai sahib-e-idrak
jahan tamam hai miras mard-e-momin ki
mire kalam pe hujjat hai nukta-e-laulak
Leave a Reply