hua huun in dinon maail kisi ka
na tha main is qadar ghail kisi ka
divane dil kuun samjhata huun lekin
kahan lag hoe koi haail kisi ka
hua hai dil-dahi ka tum pe tavan
nahin asan lena dil kisi ka
kham-e-gesu siin apne tu girah khol
khule ta uqda-e-mushkil kisi ka
kiya yak vaar men kai dil ki phanken
laga hai haat kya kamil kisi ka
gali men jis ki shor-e-karbala hai
salona shokh hai qatil kisi ka
kaho us lala-e-gulzar-e-jan kuun
kabhi to dekh dagh-e-dil kisi ka
‘siraj’ ab soz-e-dil mera vo jaane
jo hai parvana-e-mahfil kisi ka
Leave a Reply