Mujhe Ehsas Ye Pal Pal Raha Hai

mujhe ehsas ye pal pal raha hai

ki mere sar se suraj Dhal raha hai

khusha sathi vo pichhle mausamon ke

ye tanhai ka aalam khal raha hai

bara-e-shab jalao mishal-e-jan

thaka-manda ye suraj Dhal raha hai

safar men ye guman hai har qadam par

ki mere saath koi chal raha hai

raqam the jis pe lamhe besh-qimat

vo kaghaz ansuon se gal raha hai

tasavvur hai nasha hai dhadkanen hain

‘sukhan’ sheron men koi Dhal raha hai

Leave a Comment